ACTIVIDADES DE SAÍDA DE CAMPO

PREPARANDO A EXPEDICIÓN A AQUEL SÉCULO ANTIGO
OBXECTIVOS	Localizar diferentes puntos de interese nun mapa. Crear diferentes percorridos sobre un mapa. Obter diferentes nocións en canto á orientación.
TEMPORALIZACIÓN	35 minutos
CARACTERÍSTICAS	Usando a contextualización xeográfica presentada neste blog (á cal se lle engadirán diferentes puntos de referencia, como estatuas, parques e nomes de rúas) nunha versión ampliada, crearemos un mapa que abrangue só dende a nosa escola ata a Praza da Pedreira. Con este mapa crearemos as diferentes rutas que podemos seguir para ir dende o colexio ata a praza. Quedarémonos coa ruta máis curta. Anotaremos os pasos a seguir ata chegar ó noso destino apoiándonos en diferentes puntos de referencia que nos permitan orientarnos.

CAMIÑANDO A AQUEL SÉCULO ANTIGO
OBXECTIVOS	Orientarse no espazo seguindo un mapa. Localizar diferentes puntos de referencia dun mapa na vida real.
TEMPORALIZACIÓN	4 horas aproximadamente
CARACTERÍSTICAS	Faremos un dos percorridos que marcamos previamente sobre o mapa na actividade "Preparando a expedición a aquel século antigo". O percorridos que realizaremos na saída será o máis curto. Aínda que a Feira Franca suceda en tempo non lectivo, faremos igualmente a saída de orientación ata a Praza da Pedreira seguindo os puntos de marcaxe establecidos.